Cuir do thuairimí in iúl agus cuidigh chun beartais an Aontais a mhúnlú
Spreagann an tAontas Eorpach (AE) saoránaigh ó gach ceann de 27 mBallstát an Aontais le saincheisteanna atá tábhachtach dóibh a phlé. Mar shampla, cad iad na tosaíochtaí ba cheart a bheith mar threoir i gcás bhuiséad fadtéarmach an Aontais? Conas is féidir linn ullmhú níos fearr do ghéarchéimeanna a bheidh ann amach anseo? Conas is féidir linn ár dtithe a dhéanamh fuinneamhéifeachtúil? Conas is féidir linn an daonlathas a neartú? Cuidíonn smaointe na saoránach chun beartais an Aontais amach anseo a mhúnlú. Is féidir le duine ar bith páirt a ghlacadh i ndíospóireachtaí oscailte ar líne, agus é sin a dhéanamh in aon cheann de 24 theanga oifigiúla an Aontais. Ina theannta sin, eagraíonn an Coimisiún Eorpach Painéil Saoránach lena dtugtar le chéile 150 saoránach Eorpach chun téama beartais sonrach a phlé le chéile.
- Glac páirt i ndíospóireacht ar líne
Comhroinn smaointe agus vótáil orthu; déan athbhreithniú ar smaointe daoine eile agus tabhair do bharúil ina leith.
- Freastail ar imeacht i ngar duit
Glac páirt in imeacht áitiúil a bhaineann le díospóireacht ar líne nó eagraigh imeacht den chineál sin.
- Bí ar an eolas
Liostaigh lenar nuachtlitir, faigh eolas faoi phlé atá ar siúl faoi láthair nó a bheidh ar siúl amach anseo.
Cuir isteach do chuid smaointe maidir le conas an athléimneacht dhaonlathach san Aontas a chosaint agus a fheabhsú. Féach a bhfuil á mholadh ag Eorpaigh eile. Is féidir leat úsáid a bhaint as aon cheann de 24 theanga oifigiúla an Aontais.
Cuir do thuairim in iúl maidir leis na nithe is cás leat
Seo iad na díospóireachtaí ar líne atá ar siúl faoi láthair - is féidir leat a fheiceáil cad a cheapann daoine eile agus do thuairimí féin a chur in iúl.
Painéil saoránach - Eorpaigh ag teacht le chéile chun tionchar a imirt
Tugann na painéil saoránach deis do 150 saoránach Eorpach teacht le chéile agus plé a dhéanamh le chéile ar théama beartais ar leith, agus moltaí a chur le chéile chun bonn eolais a chur faoi cheapadh beartas.
- Na painéil saoránach8.00as na painéil uilea thugann saoránaigh le chéile chun beartas an Aontais a mhúnlú
- Ionadaíocht a dhéanamh ar an éagsúlacht1160.00saoránachas gach cúlra agus gach aicme, a bhfuil páirt glactha acu
- Ar fud na hEorpa27.00as tíortha den Aontasa ndéantar ionadaíocht orthu i ngach painéal
Ón 18 go dtí an 20 Meán Fómhair 2026, tiocfaidh 150 saoránach a roghnaíodh go randamach ó gach cearn den Aontas le chéile sa Bhruiséil don chéad seisiún de na trí sheisiún a bheidh ann den Phainéal Saoránach Eorpach maidir leis an Athléimneacht Dhaonlathach.
Bhí an painéal maidir leis an bhfuath a chomhrac ar siúl in 2024. Mínítear san fhíseán seo conas a d’oibrigh sé agus conas a bhraith na daoine a ghlac páirt san imeacht faoin bplé.
Páirt a ghlacadh i gceapadh beartas, cad chuige?
- Ní daonlathas go daoine. Is féidir le daoine smaointe a chur in iúl, tuairimí a mhalartú agus cur leis an bplé ar thodhchaí na hEorpa.
- Déantar moltaí de smaointe daoine, agus cuirtear na moltaí sin san áireamh sa cheapadh beartas.
- Is as beartais a thagann gníomhaíochtaí.
Is as gníomhaíochtaí a thagann táirbhí do shaoránaigh an Aontais.
Painéil Saoránach Eorpach a bhí ann roimhe seo
Conas is féidir le hEorpaigh a bheith níos ullmhaithe do ghéarchéimeanna? Conas is féidir a chinntiú go mbeidh gníomhaíochtaí an Aontais cuimsitheach, éifeachtach agus go bhfreagróidh siad do riachtanais na saoránach?
Cé na tosaíochtaí ar cheart buiséad an Aontais a chaitheamh orthu amach anseo? Cé na gníomhaíochtaí ar cheart dó tacú leo chun na tosaíochtaí sin a bhaint amach?
Conas is féidir leis an Aontas tairbhe na héifeachtúlachta fuinnimh a chur ar fáil do shaoránaigh, d’údaráis phoiblí agus d’fhiontair?
Bealaí eile chun an todhchaí a mhúnlú
- Is féidir le saoránaigh agus le gnólachtaí a dtuairimí a chur in iúl faoi bheartais nua de chuid an Aontais agus faoi dhlíthe atá ann cheana
- Is féidir le daoine óga a dtuairimí a chur in iúl maidir le tionscnaimh an Choimisiúin tríd an Idirphlé Beartais leis an Aos Óg
- Eolas faoi thionscnaimh Eorpacha ó na saoránaigh agus conas achainí a dhéanamh chuig an Aontas Eorpach
- Na toghcháin Eorpacha: do dheis labhartha