Rannpháirtíocht na saoránach a chur chun cinn

Ar an leathanach seo tá uirlisí agus inspioráid le fáil chun an scéal a scaipeadh faoi thionscnaimh rannpháirtíochta saoránach de chuid an Choimisiúin Eorpaigh, ina measc sin Painéil Saoránach Eorpach agus díospóireachtaí ar líne.  

Is cuma cé acu duine aonair, ball eagraíochta nó iar-rannpháirtí painéil thú, is féidir leat cuidiú chun a chinntiú go gcuirfear níos mó tuairimí san áireamh agus beartais an Aontais á múnlú.

Anseo gheobhaidh tú an méid seo a leanas:

✅ Ábhair chumarsáide atá réidh le húsáid
✅ Leideanna chun ábhar a chomhroinnt go héifeachtach le do phobal féin 
✅ Teistiméireachtaí ó shaoránaigh a bhí rannpháirteach roimhe 
✅ An dóigh chun teagmháil a dhéanamh le hAmbasadóirí Rannpháirtíochta Saoránach
✅ Teagmhálaithe i leith ceisteanna, smaointe agus tacaíochta

Is éard atá i Líonra na nAlumnas iar-rannpháirtithe na bPainéal Saoránach Eorpach, grúpa éagsúil a dhéanann ionadaíocht do thíortha, inscní, aoiseanna agus cúlraí uile an Aontais. Roghnaítear go randamach iad, rud a léiríonn fíor-éagsúlacht na hEorpa.

Trína dtaithí phearsanta a chomhroinnt, tá ról ríthábhachtach ag na halumnais maidir leis an scéal a scaipeadh faoi ghníomhaíochtaí rannpháirtíochta saoránach an Choimisiúin Eorpaigh.