Tionól na Saoránach Óg maidir le Pailneoirí

Aon Tionóil Amháin, Dhá Cheist

Thar thréimhse 6 mhí, rinne 100 saoránach den Aontas idir 18 agus 29 mbliana d’aois a roghnaíodh go randamach plé ar cheann de phríomh-shaincheisteanna na géarchéime bithéagsúlachta: meath na bhfeithidí pailnitheacha fiáine. Ó tharla go gcuireann an meath sin ár slándáil bia agus cothromaíocht an dúlra i mbaol, rinne na saoránaigh machnamh ar conas is féidir linn na dúshláin atá ann cheana a réiteach agus dul chun cinn a dhéanamh le gníomhaíochtaí nithiúla chun tacú le pailneoirí.

Cé go mbíonn tionchar ag an tsaincheist sin ar gach duine, tá páirt ar leith ag daoine óga sa díospóireacht seo, ó tharla gurb iadsan is mó a bheidh thíos le hiarmhairtí na géarchéime agus leis na cinntí a dhéantar inniu. Sin an fáth ar bhailigh an Tionól saoránaigh óga le chéile agus ar chuir sé sainordú san áireamh chun machnamh a dhéanamh freisin ar an ról ba cheart a bheith ag daoine óga i rialachas bithéagsúlachta.

Glac páirt

A gcuid moltaí curtha i láthair ag saoránaigh óga

Tháinig comhaltaí an Tionóil le chéile trí huaire i bpearsa sa Bhruiséil agus roinnt uaireanta ar líne. Le linn an ama sin, d’fhoghlaim siad faoin meath ó shaineolaithe, phléigh siad réitigh le páirtithe leasmhara agus le lucht ceaptha beartas, agus rinne siad plé ar ghníomhaíochtaí nithiúla chun na réitigh a chur i bhfeidhm.

Mar thoradh ar a gcuid oibre, mhol an Tionól 32 mholadh lena ndíreofar ar úsáid lotnaidicídí, ar thalmhaíocht, agus ar úsáid talún agus ar chosaint gnáthóg.

I measc na dtograí, tá úsáid agus tocsaineacht lotnaidicídí a laghdú, gnáthóga pailneoirí a chosaint agus a athbhunú, agus bogadh i dtreo feirmeoireacht atá níos fabhraí do phailneoirí, mar aon le tacaíocht fhorleathan d’fheirmeoirí á cinntiú ag an am céanna.

D’iarr comhaltaí an Tionóil freisin go ndéanfaí monatóireacht agus forfheidhmiú níos láidre ar bheartais chomhshaoil atá ann cheana, go méadófaí an maoiniú le haghaidh gníomhaíochtaí caomhnaithe, agus go mbeadh tionscnaimh oideachais ann.

Féach thíosna moltaí ón Tionól sa phríomh-thuarascáil (sna 23 theanga de chuid an Aontais) chomh maith le tuilleadh eolais sna tuarascálacha tionlacain faoin bhfáth agus an chaoi ar forbraíodh iad.

Individuals depicted in the picture are young citizens discussing with stakeholders during the Assembly.

Amlíne

Meitheamh – Meán Fómhair 2025
Plé ar líne
Ábhair imní na saoránach a bhailiú, smaointe a fhorbairt agus samplaí a bhailiú
26-28 Meán Fómhair 2025
An chéad seisiún den Tionól – sa Bhruiséil
An topaic a fhiosrú, foghlaim agus an treo a shocrú
Deireadh Fómhair – Samhain 2025
Plé ar líne
Ábhair imní na saoránach a bhailiú, smaointe a fhorbairt agus samplaí a bhailiú
5-7 Nollaig 2025
An dara seisiún den Tionól – sa Bhruiséil
Roghanna a phlé agus machnamh a dhéanamh ar dhúshláin, tús a chur leis an obair ar mholtaí
Eanáir – Feabhra 2026
Plé ar líne
Machnamh a dhéanamh ar thograí tosaigh an Tionóil
6-8 Márta 2026
An tríú seisiún den Tionól – sa Bhruiséil
Moltaí a chur i gcrích

Meath na bpailneoirí: cad atá ag brath air?

Ar na feithidí pailnitheacha fiáine tá beacha aonair, bumbóga, beacha gabhair, féileacáin, leamhain – agus cuileoga eile, foichí, agus ciaróga fiú! Tá na hainmhithe beaga bídeacha sin i bhfad níos tábhachtaí do shochaithe daonna agus don dúlra ná mar a thabharfaí le fios lena laghad atá siad. Braitheann thart ar 4 cinn as gach 5 bharr agus phlanda bhláthacha fhiáine ar phailneoirí chun pailin a aistriú agus cuidiú leo atáirgeadh.

Nuair a thagann meath ar na hainmhithe sin – mar gheall ar athrú ar úsáid talún, dianbhainistiú talmhaíochta agus dianúsáid lotnaidicídí, truailliú an chomhshaoil, speicis choimhthíocha ionracha agus an t-athrú aeráide – bíonn tionchar ag na hainmhithe sin ar éiceachórais iomlána, rud a bhaineann an bonn den bhithéagsúlacht, den táirgeadh bia, den gheilleagar agus, ar deireadh, d’fholláine an duine. Dá bhrí sin, chun na feithidí pailnitheacha a chosaint, ní mór dul i ngleic leis an ngréasán casta dúshlán sóisialta agus comhshaoil.

Gailearaí

Tuarascálacha ón Tionól

An phríomh-thuarascáil: Moltaí

Tuarascáil tionlacain: An t-údar atá leis na Moltaí

Tuilleadh eolais

Léigh tuilleadh faoi phailneoirí, faoin tábhacht a bhaineann leo agus faoi na bagairtí atá rompu san Achoimre ar na Pailneoirí agus in acmhainní eolais eile.

Féach leat an obair atá an tAontas a dhéanamh cheana féin.

Féach leat an chuma a bheadh ar an domhan gan na feithidí pailnitheacha: Páirc na bPailneoirí.

Eagraigh do phróisis rannpháirtíochta féin maidir le pailneoirí trí úsáid a bhaint as an tSraith Straitéisí um Rannpháirtíocht Saoránach seo.