I bhfianaise an ghá atá le bonn airgeadais inbhuanaithe a chruthú do spásanna don óige lena gcuirtear seirbhísí oideachais, sóisialta agus cultúrtha ar fáil do dhaoine óga idir 13 agus 29 mbliana d’aois, is é is aidhm don togra seo riail uile-Aontais a thabhairt isteach trínar féidir le saoránaigh cuid dá n-acmhainní cánach íoctha — idir 1 % ar a laghad agus 3 % ar a mhéad den cháin ioncaim — a dhíriú ar eagraíochtaí na sochaí sibhialta atá i mbun ionaid agus spásanna don óige a fhorbairt agus a chothabháil. — Maoiniú inbhuanaithe: Sreabhadh leanúnach cistí a áirithiú le haghaidh costais oibriúcháin agus infheistíochtaí i nuachóiriú agus i bhforbairt spásanna don óige. — Rannpháirtíocht an phobail: Cuireann sé ar chumas na saoránach leithdháileadh acmhainní poiblí a chinneadh go gníomhach i gcomhréir lena luachanna pearsanta. — Forbairt réigiúnach: Cistí a dhíriú ar thionscnaimh don óige i lonnaíochtaí beaga, rud a thacaíonn leis an gcobhsaíocht eacnamaíoch agus a laghdaíonn éagothromaíochtaí sóisialta. — An tsochaí shibhialta a neartú: Uirlis a chur ar fáil le haghaidh tacaíocht institiúideach fhadtéarmach. Leis an tsamhail atá beartaithe chun cuid den airgead cánach a aistriú chuig spásanna don óige, cuirfear cistiú intuartha ar fáil do na príomhinstitiúidí sóisialta sin, agus cuirfear feabhas ar rannpháirtíocht shibhialta trí chur ar chumas cáiníocóirí páirt ghníomhach a ghlacadh i múnlú tosaíochtaí sochaíocha.