Ceann de na príomhbhacainní ar rochtain a fháil ar an ardoideachas nó leanúint leis is ea ceist an airgeadais phearsanta. Cé go dtugann iasachtóirí príobháideacha iasachtaí do mhic léinn, is minic a bhíonn rátaí arda úis ag gabháil leo sin, rud a d’fhéadfadh iarratasóirí ionchasacha a dhíspreagadh. Tá a scéimeanna maoinithe náisiúnta flaithiúla féin tugtha isteach ag roinnt Ballstát chun aghaidh a thabhairt ar an dúshlán sin. Mar sin féin, ar mhaithe le lánpháirtiú an Aontais a chur chun cinn agus comhdheiseanna a chinntiú do mhic léinn ionchasacha ar fud na mBallstát uile, bheadh sé iontach clár aontaithe iasachtaí do mhic léinn a chur chun feidhme ar fud an Aontais. Ós rud é go n-aisíocfaí iasachtaí den sórt sin go ginearálta (cé nach mbeadh ús i gceist), is beag tionchar fadtéarmach a bheadh acu ar bhuiséad an Aontais. Ag an am céanna, chuirfeadh an tionscnamh seo ar chumas an Aontais íomhá dhearfach a chur chun cinn i measc daoine óga trí dheiseanna fiúntacha a chur ar fáil dóibh.