An mbeadh ciall leis (agus an mbeadh sé indéanta) faireachlann ar leibhéal an Aontais a chruthú a dhéanfadh faireachán ar fheachtais mhífhaisnéise agus bhréagaisnéise faoi stiúir grúpaí brústocaireachta nó rialtais eachtracha agus a chabhródh leis na feachtais sin a bhréagnú? D’fhéadfadh sé a bheith ina bhonn chun tús a chur le hidirphlé leo chun ábhair imní dhlisteanacha a shainaithint, más ann dóibh, agus chun aird a tharraingt ar iarmhairtí féideartha na mífhaisnéise agus na bréagaisnéise agus na gcleachtas mí-eiticiúil nó neamhdhleathach gaolmhar — chun iarracht a dhéanamh deireadh a chur le mífhaisnéis agus bréagaisnéis ag an bhfoinse agus chun an pobal a chur ar an eolas faoina bhfuil ag tarlú/tionchair na bhfeachtas mífhaisnéise agus bréagaisnéise a chur ar ceal a mhéid is féidir.