Meta kien hemm sforz għad-diġitalizzazzjoni u ċ-ċibersigurtà, kien hemm ħafna finanzjament disponibbli. Madankollu, ħafna reġjuni u komunitajiet ma kinux lesti jew ma setgħux jużaw dak il-finanzjament minħabba diversi kwistjonijiet politiċi jew organizzattivi. Meta fl-aħħar ikunu lesti li jimxu ’l quddiem bl-isforzi ta’ diġitalizzazzjoni tagħhom, jew meta jkun hemm bżonn ta’ ċibersigurtà, minħabba li finalment ikun hemm dewmien fit-traspożizzjoni tal-NIS2, il-finanzjament ma jkunx disponibbli, bir-riżultat li eżattament ir-reġjuni li jeħtieġ li jiġu żviluppati l-aktar ikollhom jagħmlu dan bil-finanzi tagħhom stess. Ejja nippermettu mod kif niffinanzjaw id-diġitalizzazzjoni bażika sa livell medju u l-isforzi ċibernetiċi, speċjalment f'negozji żgħar u ta' daqs medju li huma s-sinsla tal-ekonomija tal-UE.