Il-baġit għandu jqis l-għajnuniet għall-integrazzjoni tal-immigranti, l-iffaċilitar tal-kisba tal-ħiliet u l-għarfien meħtieġa biex jiġu integrati bis-sħiħ fis-soċjetà Ewropea (pereżempju l-lingwi). Bl-istess mod, l-iffaċilitar tar-rikonoxximent tal-istudji u l-iżgurar ta’ amministrazzjoni pubblika bi proċeduri sempliċi, aġli u kompletament diġitalizzati huma ta’ importanza kbira (u mhux biss għall-immigranti), il-baġit għandu għalhekk jikkunsidra fondi għat-titjib tal-amministrazzjonijiet pubbliċi tal-pajjiżi tal-UE.