Il-foresti għandhom jiġu appoġġjati bħala pilastru ċentrali tal-futur tal-investiment ekoloġiku fl-Ewropa. Huwa essenzjali li tiġi integrata allokazzjoni finanzjarja ġusta ddedikata għall-foresti bħala settur strateġiku biex jintlaħqu l-objettivi Ewropej tar-reżiljenza għat-tibdil fil-klima, il-kompetittività u t-tranżizzjoni ekoloġika. Dan l-appoġġ irid jiġi ppjanat mill-fażi tal-kostruzzjoni baġitarja, marbut mal-isforzi li saru u l-prestazzjoni miksuba, u jrid ikollu l-għan li: kumpens ġust tar-restrizzjonijiet, mekkaniżmi ta’ finanzjament adegwati għal tranżizzjoni ġusta tal-komunitajiet lokali, adattament għat-tibdil fil-klima, restawr tal-ekosistemi, konservazzjoni tal-bijodiversità, kif ukoll investimenti f’soluzzjonijiet ibbażati fuq in-natura (NBS), li jikkontribwixxu direttament għad-diversifikazzjoni tal-ekonomija lokali u l-iżvilupp ta’ bijoekonomija ċirkolari tal-foresti li kapaċi tiġġenera tkabbir ekonomiku sostenibbli. L-appoġġ baġitarju tal-UE jrid jirrifletti d-diversità tal-kundizzjonijiet u l-isfidi bejn ir-reġjuni, skont il-kompiti – ħafna drabi mhux uniformi – u l-isfidi li jiffaċċjaw fir-rigward tal-indikaturi tal-prestazzjoni. Huwa biss permezz ta’ approċċ ġust, imfassal skont il-ħtiġijiet u l-isforzi speċifiċi, li jistgħu jintlaħqu l-objettivi ta’ Ewropa magħquda u reżiljenti.