Nemmen li m’hemm l-ebda teknoloġija jew soluzzjoni unika tal-enerġija li fl-istess ħin tista’ tissodisfa l-ħtiġijiet tal-enerġija, il-ħtiġijiet soċjoekonomiċi u d-domandi ambjentali; l-uniku prospett huwa li l-pajjiż jiġi pprovdut b’taħlita tal-enerġija wiesgħa kemm jista’ jkun, bl-iżvilupp u l-adozzjoni tas-soluzzjonijiet teknoloġiċi kollha disponibbli, b’ħidma parallela fuq l-effiċjenza fl-użu tal-enerġija u l-ħolqien ta’ kuxjenza ambjentali b’saħħitha, kondiviża mis-soċjetajiet u l-istituzzjonijiet.