L-aġenziji tal-enerġija muniċipali huma faċilitaturi importanti biex jintużaw proġetti tal-enerġija sostenibbli fil-komunitajiet lokali, jiġifieri billi jipprovdu pariri tekniċi dwar il-vijabbiltà tal-effiċjenza enerġetika u miżuri tal-enerġija rinnovabbli lill-gvernijiet lokali, liċ-ċittadini u lil partijiet ikkonċernati oħra. Filwaqt li l-kumpaniji spiss jippruvaw ibigħu l-prodotti tagħhom stess, l-aġenziji tal-enerġija jinsabu f’pożizzjoni aħjar biex jipprovdu pariri indipendenti u teknoloġikament newtrali biex jiżguraw li l-fondi pubbliċi skarsi jintefqu tajjeb. Taħt il-QFP preċedenti, il-programmi ta’ finanzjament bħal Enerġija Intelliġenti Ewropa, Orizzont 2020 u Orizzont Ewropa kellhom rwol importanti fl-appoġġ tal-ħolqien ta’ aġenziji tal-enerġija madwar l-Ewropa, jiġifieri billi appoġġaw il-miżuri ta’ Koordinazzjoni u Appoġġ. Huwa importanti li l-baġit futur tal-UE jkompli jappoġġa dawn l-istrutturi kruċjali.