Huwa importanti li jinħolqu pjattaformi u l-opportunitajiet kollha fejn l-anzjani jistgħu jgħaddu l-esperjenza tagħhom liż-żgħażagħ, u l-istituzzjonijiet Ewropej huma l-medjaturi ideali dwar dan is-suġġett. L-assoċjazzjonijiet tan-negozju, u b’mod partikolari l-assoċjazzjonijiet tal-intraprendituri żgħażagħ, huma suġġetti ideali għal sħubijiet bħal dawn, li huma bbażati fuq ideat ġodda ta’ żgħażagħ ittestjati mill-esperjenza tal-ġenerazzjoni anzjana. L-iżvilupp tal-intraprenditorija interġenerazzjonali jista’ jiġi appoġġat ukoll minn qafas leġiżlattiv Ewropew.