Il-piż u d-daqs ta’ vettura għandhom impatt dirett fuq il-konsum tal-fjuwil tagħha, u b’hekk jikkontribwixxu għat-tnaqqis tal-fjuwils fossili u t-tniġġis ambjentali. Il-SUVs, magħrufa għad-daqs akbar tagħhom, mhux biss għandhom rati ogħla ta’ konsum tal-fjuwil, li jwassal għal impatt akbar fuq it-tibdil fil-klima iżda wkoll jaggravaw il-konġestjoni tat-traffiku u l-isfidi tal-parkeġġ f’żoni urbani b’popolazzjoni densa. B’dan, huwa ssuġġerit li tiġi kkunsidrata l-implimentazzjoni ta’ żieda fit-tassazzjoni fuq l-SUVs, jew li jiġu esplorati restrizzjonijiet fuq l-użu tagħhom f’żoni urbani.