L-istrateġija finanzjarja ta’ wara l-2027 trid tqis il-ħtieġa li titrawwem ċittadinanza aktar attiva fil-proċessi politiċi Ewropej. F’dan is-sens, il-baġit għandu jalloka aktar riżorsi biex jinvolvi lill-Ewropej minn kull rokna u sfond tal-Unjoni fil-futur tal-leġiżlazzjoni Ewropea. Se jkunu meħtieġa riżorsi finanzjarji ta’ skala konsiderevoli biex jiġu żgurati dibattiti attivi u dejjiema taċ-ċittadini dwar suġġetti soċjalment sinifikanti fil-livell Ewropew, nazzjonali u reġjonali. Dan se jagħmilha possibbli li jiġu reklutati aktar persunal u għarfien espert u li jintlaħaq segment ferm akbar tal-popolazzjonijiet tal-Istati Membri fit-tfittxija ta’ soluzzjonijiet li se jsawru l-futur komuni tagħna. Il-proċessi skattati mill-Konferenza dwar il-Futur tal-Ewropa diġà jistabbilixxu standards ġodda għall-involviment ċiviku fl-UE, iżda huwa biss qafas finanzjarju aktar ambizzjuż li jista’ jiżgura s-suċċess tagħhom fuq l-iskala li l-Ewropa teħtieġ u jistħoqqilha.