Chuir na rannpháirtithe in iúl go raibh imní orthu faoin ngéarchéim dhaonnúil in Gaza agus d’áitigh siad ar an Aontas seasamh aontaithe níos láidre a ghlacadh. D’iarr siad go ndéanfaí tuilleadh iarrachtaí taidhleoireachta, go dtabharfaí cabhair dhaonnúil agus go gcosnófaí sibhialtaigh. Dar leosan, is bunluach é cearta an duine a chosaint nach mór don Aontas seasamh leis — ní hamháin san Eoraip, ach ar fud an domhain.

Chuir siad in iúl freisin a ndóchas don tsíocháin san Úcráin. D’iarr rannpháirtí amháin ar an Aontas níos mó a dhéanamh chun cabhrú le comhaontú síochána buan agus cóir a bhaint amach idir an Rúis agus an Úcráin, á rá go mbaineann cothú na síochána ní hamháin leis an bpolaitíocht, ach le dínit agus cobhsaíocht a chosaint ar fud na hEorpa.

Cad eile is féidir leis an Aontas a dhéanamh chun cearta an duine a chosaint agus chun tacú le hiarrachtaí cothaithe síochána ar fud an domhain? Conas is féidir le daoine óga cuidiú leis na gníomhaíochtaí sin a mhúnlú?