Iż-żgħażagħ issuġġerew li jsir aktar faċli għall-intraprendituri u n-negozji ġodda biex jibdew joperaw billi jiġu ssimplifikati l-proċeduri u jittejjeb l-aċċess għall-finanzjament, ir-riżorsi u l-opportunitajiet tas-suq. Huma enfasizzaw ukoll il-ħtieġa li jsir progress fit-tranżizzjoni ekoloġika b’mod li ma joħloqx pressjoni finanzjarja żejda għan-negozji żgħar u ta’ daqs medju. Barra minn hekk, huma qalu li regolamenti aktar sempliċi u flessibbli – mingħajr ma jiġu ssagrifikati s-sorveljanza jew is-sigurtà – jagħmlu lill-Ewropa post aktar attraenti għat-tnedija u t-tkabbir ta’ negozju. Kif nistgħu nagħmluha aktar faċli għall-imprendituri (żgħażagħ) u n-negozji ġodda biex jirnexxu fl-UE?