Nippromwovu l-involviment taċ-ċittadini

Din il-paġna tipprovdi għodod u ideat biex inxerrdu l-kelma dwar l-inizjattivi ta’ involviment taċ-ċittadini tal-Kummissjoni Ewropea, inklużi l-Panels taċ-Ċittadini u d-dibattiti online.  

Jekk qed tieħu sehem fil-panels bħala individwu jew bħala parti minn organizzazzjoni, jew ipparteċipajt fil-passat — l-għajnuna tiegħek tista’ tiżgura li, fit-tfassil tal-politiki tal-UE, jitqiesu l-fehmiet ta’ aktar nies.

Hawnhekk se ssib:

✅ Materjali tal-komunikazzjoni, lesti għall-użu
✅ Ideat dwar kif taqsam l-informazzjoni mal-komunità tiegħek b’mod effettiv 
✅ Esperjenzi ta’ ċittadini li ħadu sehem 
✅ Informazzjoni dwar kif tagħmel kuntattmal-Ambaxxaturi għall-Involviment taċ-Ċittadini
✅ Lista tal-persuni li wieħed jista’ jikkuntattja biex jagħmel mistoqsijiet u jaqsam ideat, u għall-assistenza

In-Network tal-Alumni jiġbor fih parteċipanti tal-passat tal-Panels taċ-Ċittadini Ewropej — grupp varjat li jirrappreżenta l-pajjiżi, il-ġeneri, l-etajiet, u l-kuntesti kollha tal-UE. Dawn intgħażlu b’mod aleatorju u jirriflettu d-diversità vera tal-Ewropa.

Meta jaqsmu l-esperjenzi tagħhom direttament, l-alumni għandhom rwol kruċjali biex inxerrdu l-kelma dwar l-azzjonijiet tal-Kummissjoni Ewropea biex tinvolvi liċ-ċittadini.